دعاء احمد 2

………. في اسكندريه على البحر عائشه وزين قاعدين زين بحب. عائشه تتجوزيني عائش دمعه من عنيها نزلت وراء النقاب. تاب وزهره زين بهدوء. زهره ماضي ما”تت الله يرحمها زهره بنت غاليه عليا اوي علمتني اني احترم الأنثى اللي ادامي علمتني اني اكون راجل بجد زهره بنت عمري ما هقدر انساها هفضل شايفها ادامي طول الوقت لكن هكمل طريقي موافقه تتجوزيني. انا بجد بحبك بحب طيبه قلبك وروحك الحلوه اقولك ومتزعليش مني بشوف زهره فيكي بالرغم انكم مختلفين تمام هي دايما تعلى صوتها وتتكلم بعصبيه وثقه إنما انتي هاديه وطيبه بس بحس انك شبهها

عائشه. يعني انت بتحب زهره ولا عايزني اكون بديله ليها زين بحيره. معرفش يا عائشه ومقدرتش اوعدك اني انسى زهره لكن اوعدك اني احبك عائشه بقوه وصدق. وانا موافقه يا زين منكرش اني منجذبه ليك شوفت فيك اخلاق ولاد البلد. ومحترمه جدا حبك لمراتك زين بابتسامه جميله طلع علبه قطيفه وكان فيها خاتمين. ممكن ايدك عائشه اديته ايديها وهو لابسها الخاتم ولابس خاتم زي الدبله وكان لابس دبله زهره كمان عائش. انا لازم اقوم بقى بعد اذنك

زين. تصبحي على خير عائش . وانت من اهله زين استنى لما هي دخلت فيلاتها و دخل فيلاته ……… تاني يوم في اوضه شمس صحي لقى نجمه صاحيه و حطه ايديها على دقنه وبتتامل ملامحه شمس. صباح الورد نجمه. صباح النور شمس. انتى ازاي تهملي في اكلك يا مدام نجمه. انا شمس بمقاطع. انتي غاويه تعب قلب حرام عليكي خضتيني يا نجمه نجمه بصراحه. انا اسفه بس انت كنت مشغول وطول الوقت بتتجاهلني من آخر مره لما بو”ستني وبعد كدا بقيت تكلمني وكأنك زعلان مني وانا مش عايزاك تزعل مني عشان انا بحبك يا شمس ومعنديش غيرك بعد وفـ,ـاه زهره

كلمات بسيطه ولكن تهز كيانه تلك الطفله تختبر قوه تحمله شمس. بصي يا نجمه انا مش زعلان منك انا بس مشغول عشان عندي شغل مهم اوي بس طبعا مش اهم منك عشان كدا انا اسف ياروحي وبعدين متختبريش قوه تحملي بكلمك الحلو دا عشان ساعتها متلوميش غير نفسك نجمه. شمس هو انت ليه مكنتش مبسوط لما ماما قالت اني ممكن اكون حامل؟ هو انت مش عايزني اكون ام اولادك شمس ضحك بقوه على سذاجتها.نجمه انتي لا يمكن تكوني حامل

نجمه بحزن وصدمه. ليه هو انا مش هقدر اخلف ولا ايه بس انا عايزه اكون ام ولادك شمس بسعاده. عشان تكوني ام ولادي في حاجات كتير لازم تحصل بس دا مش وقته نجمه. ماشي يا شمس ممكن اطلب منك طلب شمس. طبعا يا قمر. اموري نجمه. ممكن تفضل معايا النهارده ومتسبنيش ارجوك يا شمس شمس بحنان حاضر يا نجمتي بعد شويه الباب خبط شمس. مين فتحيه. انا يا ولدي مصطفى جاي يطمني على نجمه شمس قام وبص لنجمه كانت لابسه قميص نوم قصير وكانت جميله جدا راح ناحيه الدولاب وجاب عبايه واسع وادها لنجمه

شمس بحده. خدي غيري هدومك مش عايز حد يشوفك كدا نجمه بمشاكسه. بس دا مصطفى اخويا شمس بغيره قرب منها وبصلها بنظره بجد خوفتها. حتى لو امك ملهاش حق تشوفك كدا محدش له الحق دا على وش الأرض غيري نجمه بسعاده. حاضر شمس اول ما فتح الباب مصطفى دخل بسرعه وجرى على نجمه وحضنها بقوه وكأنه عايز يدخلها بين ضلوعه شمس واقف هيمو”ت وهو شايف حبيته وطفلته في حضن شخص غيره حتى لو اخوها مصطفى خرجها من حضنه ومسك وشها وفضل يبو”س كل انش في وجهه بلهفه وحزن

شمس بغيره حارقه. لا كدا كتير دا بيستهبل وبسرعه راح ناحيه مصطفى وشده بقوه بعده عن نجمه وعيونه بتطق شرار َمصطفي. في ايه شمس بحده. متقربلهاش انت فاهم وتكلمها من بعيد نجمه ومصطفى بصوت واحد. ننننعععععمممم شمس بغيره وهو بيبص لنجمه بحده. اللي سمعته مصطفى. دي اختي يا شمس شمس. دا مراتي وانا مسمحلكش تقربلها ولا تبو”سها بالطريقه دي انت فاهم مصطفى بمكر وهو شايف اد ايه شمس متضايق راح ناحيه نجمه وبا”سها من خدها

شمس فتح عنيه بصدمه والكل بيبصوا لقوا مصطفى في الارض فيروز بسرعه وجريت عليه. مصطفي مصطفى بوجع وهو كاتم ضحكته. حرام عليك يا أخي مش كدا فيروز بصوت رقيق. انت كويس مصطفى. يلهوي على كويس دي. ايه الجمال دا شمس. شكلك مش هتجيبها لبرا يا ابن الشرقاوي مصطفى قام واتكلم بجديه. عايز اتكلم مع نجمه شويه شمس. تمام بس قسما عظما لو قربتلها متلومش غير نفسك اخد فيروز وأمه وخرج من الاوضه نجمه بضحك. يا مجنون هتودي نفسك في داهيه

مصطفى. شاكله بيحبك نجمه ببراءه طفوليه. يغير منك انت مصطفى وهو بيفكر في فيروز. الحب والغيره يا نجمه ميعرفوش قريب من غريب. هم يعرفوا بس ان لو حد لمس اللي بتحبيه مش هتستحملي ان حد يحط ايده عليها نجمه بجديه. مالك يا مصطفى؟

مصطفى بحزن. انا اسف يا نجمه عارفه انا عمري ما كنت بحاول أقرب منك انتي وزهره الله يرحمها. كنت كتير باجي عليكم بس مش لاني بكر”هك لا والله ربنا يعلم حبي وخوفي عليكم لكن عارفه يعني ايه واحده تيجي تسـ,ـرق ابوكي من امك وتمو”تها بحسرتها كنت دايما شايفكم أعدائي بس والله كنت بخاف عليكم. لما زهره ما”تت حسيت انها اخدت حته من روحي. بفتكر اد ايه كانت عنيده و اد ايه جميله من جواها وعندها ثقه في نفسها وفي لحظه مبقتش موجوده

نجمه دموعها نزلت. بس احنا مالناش ذنب في مو”ت والدتك وانت عارف اد ايه بابا كان بيحب والدتك و لما اتجوز جهاد مقعدش معها فتره طويله وطلقها مش ذنب حد انها كانت حامل فيا انا وزهره مصطفى. انا عارف يا نجمه والله بس دايما كان عقلي وقلبي رفضين انهم يتقبلوا الحقيقه دي انا بجد اسف نجمه بحب. احنا اخوات يا مصطفى وكلنا بتغلط وربنا يعلم اني بحبك اوي ومسامحاك من قبل حتى ما تتكلم مصطفى بضحكه عاليه. على فكره شمس واقف برا على الباب

زهره. هههه تاب وطي صوتك بدل ما يدخل يقت”لنا مصطفى. انا هطلع اسلم عليهم وامشي نجمه بخبث. تسلم عليهم ولا على فيروز مصطفى بمرح . بنت احترم نفسك وانتي بتكلمي اخوكي الكبير مصطفى خرج وشمس دخل وعيونه كلها غضب وغيره وهو شايفها بتمسح دموعها قعد اصادها وفصل باصص ليها نجمه. شم بدون مقدمات وبمقاطعه مسك وجهها بيديه وظل يطبع قب”لات في كل انش بوجهها كأنه يريد أن يمحي إثر قبلا”ت أخيها البريئه ويطبع قب”له عني”فه على شفتيها لدرجه انه حس بطعم الد”ماء يعبر عن غضبه وغيرته و يعلن لها انها ملكيه خاصه

نجمه بقيت تعيط وبتضر”به في صدره بعد عنها لما حس بطعم دموعها وشافها بتعيط وهي انكمشت على نفسها بخوف لأول مره شمس بسرعه. نجمه انا اسف مكنش اصدي انا بجد اسف. نجمه بدموع وهي حطه ايديها على شفايفها. انت وحش شمس بحزن . انا اسف مكنش اصدي اوجعك انا بجد اسف وواعدك مش هقربلك تاني بس اهدي وصدقيني هعملك اللي انتي عايزاه حتى لو عايزه تطلقي او انا ممكن اسافر ومش هتشوفي وشي تاني غير لما تكبري وتقدري تحددي انتي عايزه ايه

نجمه بخوف وصدمه. هتطلقني يا شمس شمس بوجع وهو شايف دموعها. عشان ماذكيش نجمه. عايز تسبني شمس. مش هقدر اتحكم في نفسي يا نجمه وانتي طول الوقت بتختبري قوه تحملي نجمه بدموع . خالص انا اسفه متزعلش مني ومتمشيش انت وعدتني تفضل معايا شمس بصلها بغضب من نفسه بسبب اللي قاله راح حضنها واتكلم بحزن. انا اللي اسف يا نجمه اسف اني وجعتك اسف بس مقدرتش اتحمل اشوف حد غيري قريب منك نجمه بهدوء. لازم تبقى عارفه ان مهما حصل اني بحبك انت وبس

شمس. نامي يا نجمه انتي تعبانه نجمه بطفوليه. احكيلي قصه من القصص اللي انت بتحكيها شمس. هحكيلك قصه سيدنا ابراهم ونا”ر النمرود. سيدنا إبراهيم عليه السلام اتولد في مدينه بابل في العراق وقتها الناس كانوا بيعبدوا الاصنا”م وكان ابوه بيصنع الاصنا”م ويعبده ويديها اسم معين سيدنا إبراهيم كان بيحس بالضيق من ضلا”ل قومه. وفضل يحاول يوصل لمعرفه مين خالق الكون دا كله ربنا هداه الي الحق وزرقه النبوه

بدا سيدنا إبراهيم في نشر الدعوه. دعا ابوه للدخول في دين الله وعباده وحده لا شريك له وانه يترك عباده الاصنا”م لكن اباه غضب ورفض الدعوه وقام بطرد سيدنا إبراهيم من بيته. سيدنا إبراهيم فضل يدعو الناس الي عباده الله واحد أحد فرفضوا دعوته. فاقسم ان يحطم الاصنا”م دي

في يوم خرج الناس كلهم للعيد سيدنا إبراهيم راح المعبد وفضل حطم كل التماثيل دي الا اكبرهم وبعد كدا الناس رجعت لقوا كل الأصنا”م متك”سره الا اكبر تمثال فطبعا غضبوا وفضلوا يسالوا مين اللي ممكن يعمل كدا لحد ما عرفوا انه سيدنا إبراهيم فارسلوا شخص ليه وهو جيه معهم. وقال كيف تعبدون صنا”ما لا تنفع ولا تضر حتى انها لا تستطيع الدفاع عن نفسها

قومه قرروا ينت”قموا من إبراهيم عليه السلام عشان ينصروا الهتهم فاقدوا نا”ر كبيره عاليه والقوه بها مقيد ولكن امر الله كان نفذ بأن تكون التا”ر برد وسلامه عليه وأخرجه الله منها سلاما. الناس بعضهم أمنوا بيه بسبب المعجزه دي. كان في ملك ظالم اسمه النمرود نجمه بمقاطع ونوم. فضل اد جوا النا”ر؟

شمس. الفقهاء اتحيروا في اجابه السؤال دا واختلفت الاراء لانها معجزه ودليل عظيم على حفظ الله ورعايته لسيدنا ابراهيم الا ان معظهم قالوا تلات ايام ب لياليه لكن سيدنا إبراهيم كان قضى المده دي في رعايه الله حيث يقال ان جبريل عليه السلام كان ينزل على ابراهيم ويأتي بأمر الله بكل مالذ وطاب من ماكولات وفاكهه الجنه شمس حس بنجمه ارخت جسمها وانفاسها انتظمت عرف انها نامت فضل يرتب على شعرها ويفكر هو المفروض يعمل ايه اتنهد بضيق ونام في اانهايه

في الثرايا فتحيه. انا قلقانه اوي يا فيروز فيروز. ليه يا ماما اصدك عشان زين فتحيه. لا سوزان بنت خالتك جايه الصعيد كمان اسبوع فيروز بانتباه. سوزان استر يارب ماما فتحيه. نعم يا حبيبه قلبي فيروز. هي سوزان ممكن تكون لسه بتفكر في شمس فتحيه. ولا يا بتي ما انا عارفه انتي عارفه سوزان طول عمرها عنيها عليه واحنا كنا مصدقنا انها سفرت وبعدت اهي دلوقتي راجعه انا خايفه تعمل حاجه توقع بين نجمه وشمس

فيروز. إن شاء الله خير يا ماما وبعدين دي برا مصر بقالها حوالي اربع سنين يعني اكيد نسيته فتحيه. قلبي بيقولي ان مجيتها دي وراها حاجه ربنا يستر …………….. عدا اسبوع على إلا بطال عند زين زين لنفسه. روحتي فين يا عائشه مش معقول بقالك اسبوع مختفيه ومفيش إثر ليكي من آخر مره كنا سوا ياتري ايه اللي حصل لازم اعرف مكانك بعد شويه الجرس رن زين راح يفتح وبيرفع راسه اتصدم ووقف ساكت زهره بابتسامه جانبيه ساخره. مش هتقولي اتفضلي ولا ايه يا زيزو

زين بصدمه. ازاي زهره بضحكه فيها لذه. يااهه دي حكايه طويللللههه اوي تحب تسمعها يا زوجي العزيز وكمان حكاية عائش زين بص على ايديها كانت ماسكه حاجه خليته يتصدم زين بصدمه قويه. معقول يتبع… ❤️❤️ بارت 15   (كشف حقيقه مو”ت زهره) زهره بضحكه ساخره. ايه مفيش اتفضلي ولا ايه يا زيزو ولا انا مش مرحب بيا في بيت جوزي اللي خطب بعد وفـ,ـاتي باسبوعين صحيح قولي يا زين مرتاح؟ مبسوط مع عائشه؟ وبصت على الدبله اللي في ايديه جانب دبلتهم زين حط ايديه في جيبه

زين بفرحه رغم صدمته. انتي ازاي عايشه اومال كل اللي حصل دا ايه زهره بوجع. قولي يا زين حبيت مين اكتر انا ولا عائشه زين بصدمه اكبر. انتي وعائشه واحد زهره دمعه من عنيها نزلت. قولي يا زين حسيت بايه بعد مو”تي؟ وبعد اختفاء عائشه؟ زين بحده. انا عايز افهم معنى كلمك. انتي ازاي عايشه وازاي قدرتي تعملي كل دا زهره بضحكه سخريه . فاكر اخر يوم كنت معاك على البحر قلتلك ايه؟ هيجي يوم وتندم على عملته وان البنت اللي عندها ١٥سنه هتعلمك الأدب وان الله حق

زين. انتي معقول بالقس”وه دي زهره. وانت لما اعت”ديت عليا مكنتش قا”سي. مكنتش بلا قلب. انت اخر واحد تتكلم عن القس”وه. انت خليتني اكر”هك واكر”ه نفسي. واكر”ه مصطفى اللي جوزني ليك. واكر”ه فيروز عشان لولا ان مصطفي عايز يتجوز فيروز مكنش انا وانت اتقبلنا. خليتني اتفق مع اكتر ست كر”هتها في حياتي. الست اللي رمتني وانا عيله صغيره وضحت ببنتها. كنت مقه”وره منك لدرجه اني عملت حاجات عمري ما هسامح نفسي على اني عملتها كانت بتتكلم ودموعها على خدها وقلبها وجعها

زين. تاب سيبك مني. انا موافق اني شيط”ان. لكن اختك اللي كانت بتمو”ت كل لحظه لدرجه انها قعدت اسبوعين فاقده النطق مهنتش عليكي زهره. انت السبب طريقتك. شهو”اتك هما السبب في كل دا يا زين. قولي بقى ايه رايك فيا؟ مش استحق جايزه نوبل في الذكاء     زين. انا لحد دلوقتي مش فاهم حاجة زهره. هشفق عليك واحكيلك

اخر يوم ليا هنا قررت وقتها اني ابعد فكلمت جهاد هانم امي وروحتلها و حكيتلها على كل حاجه وفقت انها تساعدني هي وابن جوزها اللي اسمه مدحت فكان لازم نتحرك بسرعه عملنا حكايه الحادثه دي كانت حاجه كدا فيك ولما روحتوا المستشفى الدكتور كان مديني حقنه بتوقف نبض القلب وانتم شوفتوا جث”تي وقتها وصدقت ا اني مو”ت والجـ,ـثه اللي دفـ,ـنتوها كانت جث”ه بنت مشو”هه محدش قدر يتعرف عليها عد اسبوعين وقررت اظهرلك كنت عايزه اكمل انتقا”مي ظهرت بشخصيه عائشه

زين. تاب. الصوت و شكلك زهره. ماسك ومكياج وبعدين انا مكنتش محتاجه غير في أول كم يوم لما تتأكد اني مش زهره خصوصا انك كنت بتشوفي من وراء النقاب و بخصوص الصوت فدا حاجه كدا بشربها بتخلي صوتي ارفع والفيلا اللي جانبك دي خليت جهاد تاجرها لمده شهر اللي فضلت فيه معاك كنت بعمل كل حاجه عشان الفت انتباهك واول مره لما كنا شوفتك على البحر وبعد كدا الشباب اللي كانوا بيضايقوني .

كانوا تبعي كان غرضي اخليك تلتفت ليا وتوقع في حبي كل حاجه كانت متظبطه ب الملي وانت وقعت وبعد كدا قررت انسحب بهدوء عشان تبقى مش عارف تعمل ايه وتحس بالوجع انك ضيعت مراتك والبنت اللي حبيتها. قولي بقى حاسس بايه

زين بصدمه. كل دا عملتيه عشان تحسبيني على غلطه واحده. دا انا اتد”مرت بسببك كنت بفضل اشرب وأفضل ابكي. كنت موجوع وحاسس بالذنب. كنت بفضل قاعد في نفس مكانك افتكر اد ايه انا كنت اناني معاكي بس انتي طلعتي شيطا”نه. اختك هانت عليكي دي كانت بتمو”ت انتي فعلا قدرتي توجعيني اول مره لما فبركتي حكايه مو”تك وتاني مره لما مثلتي انك عائشه ودخلتي حياتي وخلتيني احبك والتالته دلوقتي يا زهره بس هو سؤال واحد طول الشهر اللي كنتي فيه عائشه محستيش اني بحبك بجد اي كان اسمك زهره او عائشه محستيش اني حاسس انكم واحد

زهره بصتله وسكتت ودقات قلبها بقيت سريعه لدرجه انها بقيت مسموعه وهو فضل يبص لها ومستني اجابتها